Ari nya, bisi meli babi kampung apai aku ba sekula ya din. Di jual bala orang dia. Di tunu kami tiga sida Indai aku tengah hari nya muai bulu ya, ngikis bulu ya, ngasuh kulit kuning-kuning. Aku asuh orang ngara ka nya ba api. Nadai jaku ngara agi nya. Celum.. Tang udah dikikis-kikis nyo kuning emas ga tudah kulit nya tadi. Di tetak apai aku. Tulang bisi. Isi bisi. Isi nya ka dikasam indai aku. Tulang nya disup gulai daun bungkang tutuk ka lia. Nyamai amat kena nguah ka asi. Tu kedua kali apai ku meli babi kampung jual orang ke sekula kia. Baka ke nemu kami sebilik sigi ka makai nya. Ke dulu suba udah nyadi kasam udah abis dipanduk lemai tu tadi. Masam-masam masin asai ya. Umbas ya asai. Kena ngulai asi, nibuh beri isi tau meh. Aku meratika indai aku ngasam ngot nya td alu tuliska ditu. Ngaika enda ingat ila. Ketu ka chara indai ku ngasam ya.
1. Isi ngau gemuk ngot kampung ke udah ditunu ba api. Kulit kuning-kuning
2. Garam kasar
3. Puchuk daun kepayang
4. Beras (Kira ngumbas ya kena nyampur ngot nya tadi)
a) Daun kepayang nya tadi di iris-iris umbas ya pemesai. Udah nya rebus ngau ai. Anang ngasuh mansau ndar. Udah mansau pantis daun nya tadi muai ai ya.
b) Guring beras ba kali nibuh beminyak sampai ya kuning-kuning cokelat.
c) Peruk isi ngot nya tadi ngau garam kasar sampai garam kasar nya tadi nyo nadai peda agi.
d) Tama ka beras tadi ngau daun kepayang, peruk baru.
e) Udah nya, simpan ngot ke udah diperuk tadi dlm balang kaca. Ti kelia suba simpan org dlm kebuk/tajau( Nda nemu ni bagi) Sapa ke nemu, tau ninggal ka kumin ditu,
f) Dah nya simpan ke daun kepayang ba atas ndar ngai ka bisi ulat. Dah nya tutup rapit.
Anti seminggu alu nyadi meh kasam kitai tu tadi. Tau dilulun sereta direbus kenya aja.
No comments:
Post a Comment