Kek ngau Piza

Mayuh cherita ka di tusi ka ditu. Ngepun ka ya ngau pengawa begaga ka kek ngau piza. Laban ke benung cuti panjai diatu ( nyauka abis cuti aku ), ka ngiga keja, nda ntu asuh urang ga. Asuh urang ngemas rumah semua meh aku. Udah tembu pengawa legi, nda nemu utai ka di gaga agi. Online aja meh keja. Nda manah amat online belama-lama pengawa. Nyo ke puas baka nya, ngiga resipi aku dalam internit ditu. Mayuh mcm resepi ulih ku. Sebedau gawai suba, ka ngaga Marble Cheesecake ku jaku. Nurun ke pasar ari minggu mansa Kedai Yoyo ( kedai sigi ndur nyual perengka kena begaga ka ruti ngau kek), alu bai Indai ku tama kia. Manah ga tukenio dia. Very friendly. Di introduce sida ya Brownie Cheesecake aku tadi. Alu meli semua barang ya tadi. Datai rumah alu ngaga kek nya meh. Maya nya bisi madi aku ke laki pulai ke rumah. Pama diri ga ngaga kek nya laban kek nya main stim. Sekali meda asil ya, nyamai ga tang lapis ya sigi nda cun. Bsi Ckgu Hamit ke rumah nganjung buah nyiur bai ari Kuching ke aku, bisi ga dibantai gai iya. Dah nya, sekeda beri gai urang ba rumah panjai dia, sida Inik Dunggau, Indai Melia, Indai Yee, Indai Didek laban sida ya suah meri aku buah terung iban, pisang, kulat kerang, daun timun, buah entimun, kuyung kerikap, te ni ke bisi sida ya dia meh. Nama aku bisi pulai, sigi beri sida sayur belama aku laban sida nemu aku ka makai nya. Kira malas barang urang meh aku meri sida kek nya tadi. Kadang-kadang, dibeli ka aku cuklit Labuan ga sida.

Tu Brownie Cheese cake ke digaga aku ari nya. Lapisan ya sigi enda menuku. hahaha... Sekedo tebal sekedo nipis sekedo nadai burak.

Dah nya ka ngaga piza ga aku. Udah 4 kali aku dah ngaga piza nya. Iya ke 3, nyamai g ku Indai, laban kerup-kerup (umbas ya nipis meh nya). Udah nya ngaga Kek Batik ga. Laban ke mayuh milo ngau susu pekat nya diberi BN suba maya urang ke sibuk bekimpin suba. Kami serumah panjai diberi urang minyak masak sebutul besai, beras, susu berapa iti put bisi me-enamnujuh iti cukup dibagi indai aku agai bala ibuk aku ba dulu din, milo bungkus besai siti. Aku mina meli butter aja. Ke bukai free magang.

Nyo ka abis diempa kami duai Indai.

Sari nya, beri petunggal aku resipi cheese kek aku. Bisi ke pasar alu meli perengka ya. Baru ari dua ari nya ku ngaga ya. Simpan ba peti ais. Simple ja ngaga ya. Nadai mayuh kelikuh. Nyo malam, udah makai malam, baru aku netak ya. Empa kami duai Indai. Masuk ga Indai makai nya laban ya sigi rindu makai ruti marie nya. Bantai ka aku gai bala aya aku ke bisi gawa ngaga langkau muto ba rumah panjai. Dah nya lemai kemari bisi Yak ngau anty ari Bintulu ga datai ngau bala ibuk aku ka ngau urang ngambi indu ba Saratok din alu makai dia sida. Aku laban ke agi kenyang ka makai kek ja nyadi ka alas perut. Alu ambi ku kek dalam peti ais, ka ditetak ku kira ka dibantai gai sida ya meh nya ( ngeso ga bah. hahaha...ngai ka sida ngemelika aku nda nemu berapi manduk utai begagaka ruti). Laban selama tu ti urang bsi pengawa ba rumah panjai dulu din pengawa aku sigi bebantaika lauk, bebasu pinggai nya aja pengawa aku. Manduk lauk enda kala negu. Nyo bsi hari siti aku diasuh Indai ngau Dd berapi ba rumah sida Yut laban bisi urang gawa ke kami ngangkut ramu. Neh. Tumu dani pagi ngena motosikal nujah angin chelap pagi ari. Dah ga sigi enda bekena ka baju celap. Nyo sampai ke tulang din penyelap iya. Datai din, alu manduk mihun ke danjung ke kebun ayak ku din. Aku meh manduk nya. Nyamai ku petunggal aku. Manduk manuk tuai ke lauk urang. Enda pechaya sida ku nemu manduk lauk. Neh.. Bisi ari nya sida bisi pengawa, aku enda ulih ngau laban ke ngau urang kem ba sekula nyadi fasi, ngiga aku sida ngasuh manduk mihun ku Indai nusui.

Bisi la adegan puji-memuji dia sida ibuk-ibuk aku ke makai kek nya tadi. Hahaha... Down to earth please ... Alu pinta anty resipi nya tadi. Kali tu nadai meri orang. Ka abis dah. Hehe.. Au ar .. Ngangauka Cikgu Wong makai piza ngau kek tu ari nya laban rengik-rengik minta cheese kek nya..

Tu gamal ya udah tembu tang bedau tau di pakai agi.


Tu gamal ya udah tembu. Ukai namo nyo bisi utai celom burak. Ngena ruti marie ngau oreo nya. Pedo nyo ka abis..